اقـرب النـاس

زائر

بمشي على درب له الناس يسعون
واصد عن درب الدجي والعتامة
وبقصر اليسرة عن الضيم والهون
واطلق يميني للصخا والكرامة
وبحترم نفسي وانا شخص ممنون
ومن يحترم نفسة وجوب احترامه
ماني من اللي في ذرى الحيط يمشون
ولامن اللي معتلي في مقامه
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدًلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي واكثر الناس يدرون
صديت عن دربٍ حلاله حرامه
ميزت ربعي بين عاقل ومجنون
واكشف باليد المنفعة من السلامه
واهل المصالح لو على يوم يبنون
في يوم ثاني يرغبون الهدامه
واهل الحكي لو لك عن الناس يحكون
بيجيك يوم ويقصدك في كلامه
لاصار سيفة لاقرب الناس مسنون
يضرب رفيقة وان اقوى في عضامه
ناس مع الكلمة يروحون ويجون
بس المصيبة يدًعون الفهامه
ولانيب ديان ولانيب مديون
ولا بغيت من الهروج الملامه
ولاطلبت من المخاليق يبكون
ولا بغيت من الحزين ابتسامه
بمشي بدربي واترك الناس يمشون
كلن على كيفه رقى كل هامه
ولا صرت انا من راعي الطيب مطعون
ابيستوي قرب الرفيق وعدامه
وأن خاب ضني بأقرب الناس وشلون
بعطيك ضني يارفيق الندامه

بمشي بدربي واترك الناس يمشونxxx*xxكلن على كيفه رقى كل هامه

ولا صرت انا من راعي الطيب مطعونxxx*xx ابيستوي قرب الرفيق وعدامه

وأن خاب ضني بأقرب الناس وشلونxxx*xxبعطيك ضني يارفيق الندامه
ــــــــــــــــــــــــــــــــــــــــــــــــــــــــــــــــــــــــــــــــــــــ

,,,,,’’’’’,,,,معاني وافكار قريبه كثير للواقع,,,,’’’’’,,,,,
يسلمووووواعلى هذا الطرح الجميل ,,,,,,,,,,
لك مني كل الشكر والتقدير
تحياااااااااتي

يعطيك العافيه اخوي

كلمااات راائعه

زائر

على راسي الإداره انتم ينخاف منكم

بس اهم اجزتوني

فديتكم